أنوشكا: عادل إمام اختارني في “فرقة ناجي عطا الله”وقالي هتمضي كده عمياني؟
تحدثت الفنانة أنوشكا، عن نجاح مسلسل “فرقة ناجي عطا الله”، الذي قدمته مع الزعيم عادل إمام، موضحة أنه هو الذي اختارها لكي تقدم دور حبيبته في المسلسل.
وقالت أنوشكا، خلال مداخلة هاتفية في برنامج “تفاصيل”، مع الإعلامية نهال طايل، والذي يعرض عبر فضائية “صدى البلد 2”: “بعتبر عادل إمام مبقاش كبير من فراغ.. هو اسم على مسمى وكل اللي أقدر أقوله على عادل إمام هو كمية كبيرة من البساطة ومن الأبوة مش بس ليا، لكن لفريق المسلسل كله وسافرنا مع بعض في أكتر من بلد وكان بيطمن علينا قبل ما نخش ننام أو يشوف حد فينا لو محتاج حاجة”.
وأشارت أنوشكا، إلى أن النجاح الكبير الذي حققته في مسلسل “فرقة ناجي عطا الله”، ووقع الاختيار عليها من قبل الزعيم عادل إمام برفقة المخرج رامي إمام، بعد دورها في “قانون المراغي”، بعدما تابع العمل ثم تحدث معها أحد صناع العمل وأخبرها بأن هناك شخص ما سوف يتصل عليها.
واستكملت: “جالي تليفون بقول ألو.. قالي أنا عادل إمام عاوزك في المسلسل بتاعي، قولتله مضيت يا أستاذ.. قالي هتمضي كده عمياني.. مشيت كده عمياني وراك من غير ما أقرى الدور”.
واختتمت أنوشكا حديثها قائلة: “من أحلى الأوقات لما تقعدي مع عادل إمام وتتكلمي معاه وتاخدي رأيه في حاجة وخصوصا المشاكل الإنتاجية اللي بنمر بيها في الوقت الحالي وبعتبر بساطته سر قوته وتعلق الناس بيه وهو واحد مننا وكبيرنا ومهما أقول عنه مش هقدر أوفي حقه”.
