تطورات حالة المؤلف الكبير بشير الديك الصحية “خاص”
يخضع المؤلف الكبير بشير الديك، للعلاج في الرعاية المركزة ، داخل أحد المستشفيات، بعد مروره بأزمة صحية الفترة الأخيرة.
دينا ابنة المؤلف الكبير بشير الديك، في تصريح خاص لـ”ايجي برس”، قالت: “حالة الوالد مازالت غير مستقرة، والوعي كذلك، بعد تدهور وظائف الكلى”.
ابنة المؤلف الكبير، كانت طالبت عبر صفحتها في موقع فيسبوك، بمزيد من الاهتمام لحالته الصحية، وكتبت “صباح الخير جميعاً، للأسف بابا دخل تاني الرعاية في مستشفى، والمرة دي الموضوع بقى مختلف خالص.. للأسف حالته بعد ما كانت بتتحسن شوية بقت ترجع تسوء تاني”.
وتابعت: “المشكلة في الإهمال وعدم الاهتمام بالمرضى، رحنا امبارح وقت الزيارة لاقينا بابا زاد عدم وعيه وذراعه وارم جداً وبيؤلمه ومحدش كان واخد باله والمفروض انه في الرعاية”.
دينا أضافت: “المشكلة الثانية انه بقى لا قادر يمضغ الأكل ولا يبلعه… دا غير انه كان جعان على غير العادة لأنه بالرغم من عدم قدرته على المضغ، ولا البلع لكنه أول ما بدأ يأكل بدأ وعيه يزيد.. إزاي دي رعاية”.
واوضحت: “ومن كتر قلق ماما وعدم ثقتها في الخدمة المقدمة (اللي هي مش رخيصة بالمناسبة) بقت بتشوف الأدوية اللي بياخدها وبتعرف تأثيرها والآثار الجانبية بتاعتها ، وبدأت تناقش الدكاترة في الأدوية دي راح دكتور الرعاية المحترم المتواجد ساعتها قال لها (لو مش قادرين على مصاريف المستشفى روحوا مستشفى تانية)، هل دا رد محترم لدكتور رعاية في مستشفى معروفة بتميزها في الرعاية؟، الصراحة مش دا أول دكتور رعاية هناك يكون بالجليطة دي… وللأمانة الوحيدين المهذبين هناك دكتورة صافي مديرة الرعاية ودكتور أحمد سامي دكتور الرعاية… وللأسف مش موجودين طول الوقت… ان شاء الله نخرج منها على خير ونروح مستشفى تانية في أسرع وقت، برجاء الدعاء لبابا انه يقوم بالسلامة ويخرج من النفق المظلم اللي هو فيه دا.. آمين”.
المؤلف الكبير بشير الديك “رئيس جمعية مؤلفي الدراما”، كان قد نقل إلى المستشفى، في نوفمبر الماضي، إثر معاناته من أزمة صحية، وقضى عدة أيام في الرعاية المركزة.
